U minskim mietro źjaviłasia novaja schiema linij, mnohim pasažyram nie padabajecca dyzajn

Jak paviedamlaje telehram-kanał «Mietro postsovietskich stran», novuju schiemu pačali testavać na treciaj linii, u ciahniku typu 81-765.7/766.7 «Minsk-2024». Ekśpierymient pravodziać u kankretnym sastavie z numarami vahonaŭ 70106-70206-70306-70906. Schiema adlustroŭvajecca na ekranach nad dźviaryma, piša Blizko.by.

Fota ilustracyjnaje

Dyzajn novaj schiemy zrabili padobnym da aficyjnaj schiemy, što visić na stancyjach.

Było:

Stała:

Nazvy stancyj ciapier raźmieščanyja pad vuhłom — prykładna tak, jak na stendach nad puciami.

Pakul što heta tolki testavy varyjant, ale reakcyja pasažyraŭ pakazvaje, što da finalnaj viersii jašče šmat pytańniaŭ.

U kamientaryjach i na transpartnych forumach karystalniki aktyŭna krytykujuć abnoŭlenuju schiemu. Siarod narakańniaŭ:

• «Heta vyhladaje, jak niešta z pačatku 2000-ch u samym drennym vykanańni»;
• «Zanadta šmat jarkaha zialonaha koleru, schiemu pad vuhłom ciažka ŭsprymać»;
• «Raniejšy dyzajn byŭ spakajniejšy i pryjemniejšy»;
• «Nadpisy adnačasova pa-rusku i pa-biełarusku, ale adnaho pamieru — hladzicca nieakuratna i pierahružana»;
• «Staraja schiema była drenna čytelnaja z-za drobnaha šryftu, ale vyhladáła akuratna. Novaja ž — ciažka čytajecca z-za pierahruzki infarmacyjaj i vyhladaje byccam zroblenaja ŭ MS Paint».

Kamientary da artykuła