Palitźniavoleny hramadzianin Łatvii atrymaŭ u SIZA dubinkaj za toje, što zastupiŭsia za biełaruskamoŭnaha źniavolenaha
Hramadzianin Łatvii, pravioŭ u biełaruskaj turmie try z pałovaj hady za svaje vykazvańni ŭ zakrytym čacie ŭ adnym z miesiendžaraŭ.
Michajłaŭ zaśviedčyŭ «Radyjo Svaboda», što ŭ biełaruskich turmach ludziej pieraśledujuć za listy i razmovy na biełaruskaj movie. Za sprobu zastupicca za biełaruskamoŭnaha čałavieka łatyša navat udaryli dubinkaj.
Dźmitryj Michajłaŭ mieŭ kramu ŭ Minsku. Jaho zatrymali 1 sakavika 2022 hoda i paśla asudzili na čatyry hady za kamientary ŭ internecie, u tym liku za abrazu Łukašenki.
U źniavoleńni mužčyna pravioŭ try hady. Byŭ vyzvaleny 21 červienia 2025 hoda razam ź jašče 13 palitviaźniami ŭ vyniku vizitu śpiecpasłańnika administracyi prezidenta ZŠA Donalda Trampa Kita Kiełaha.
Čytajcie taksama:
Palitviazień zrabiŭ sełfi prosta ŭ kamiery SIZA na Vaładarskaha