U Astrachani abrynuŭsia padjezd piacipaviarchovaha doma
Častka padjezda šmatkvaternaha doma abvaliłasia ŭ rasijskaj Astrachani, rataŭniki raźbirajuć kanstrukcyi i pravodziać evakuacyju, paviedamili ŭ MNS. Abvalvańnie adbyłosia na vulicy Lachava, 6.
Fota: MNS Rasii
«Supracoŭniki MNS Rasii raźbirajuć kanstrukcyi, evakujujuć žycharoŭ i šukajuć mahčymych paciarpiełych», — havorycca ŭ paviedamleńni słužby.
U ministerstvie ŭdakładnili, što abvaliłasia častka kvater ź pieršaha pa piaty pavierchi, uzharańnia nie było.
Pavodle danych servisu «Domklik», heta piacipaviarchovik, pabudavany ŭ 1962 hodzie. U domie 167 kvater. Dom jašče ŭ 2020 hodzie byŭ pryznany avaryjnym, paviedamlaje Baza sa spasyłkaj na pres-słužbu MNS.