U Minsku źjavicca doŭhi rovarny maršrut, jaki projdzie pa ŭsich rajonach horada
Maršrut «Minsk rovarny» adkryjuć u stalicy da Dnia horada. Pra heta Minsk-navinam raspaviała śpiecyjalist infarmacyjna-turystyčnaha centra «Minsk».
— Zakalcavany maršrut projdzie pa ŭsich dzieviaci rajonach horada i ŭklučyć kala 80 abjektaŭ, pralahać budzie jak pa asnoŭnych vieładarožkach, tak i z vyjezdam za ich miežy, — udakładniła śpiecyjalist adździeła pa raźvićci turyzmu infarmacyjna-turystyčnaha centra «Minsk» Sabina Čykvašvili. — Siarod ich jak znakavyja słavutaści, tak i ŭstanovy adukacyi, i bujnyja handlovyja centry.
Pobač z kožnym abjektam raźmieściać tabličku z fota, karotkaj infarmacyjaj i QR-kodam, jaki viadzie na aŭdyjahid, dzie sabrana bolš poŭnaja infarmacyja. Aŭdyjahid płanujem zapuścić na pačatku vieraśnia, prymierkavaŭšy da Dnia horada. Jon budzie raźmieščany na niekalkich placoŭkach, u tym liku na partale minsktourism.by.