U Rasii zabaranili prodaž kitajskich kankurentaŭ MAZa i KamAZa
Rasstandart paviedamiŭ pra zabaronu vypusku na aŭtarynku RF kitajskich hruzavikoŭ Dongfeng, Foton, Faw i Sitrak, paviedamlajuć rasijskija ŚMI.
Pryčyna — vyjaŭleńnie parušeńniaŭ, jakija niebiaśpiečnyja dla zdaroŭja i žyćcia kiroŭcaŭ i inšych udzielnikaŭ darožnaha ruchu, u tym liku piešachodaŭ. Idzie havorka pra drennyja tarmazy, nieadpaviedny ŭzrovień huku i mnostva inšych prablem, vyjaŭlenych padčas pravierki.
Akramia taho, znajšlisia nieadpaviednaści ŭ dakumientach, što paćviardžajuć ustojlivaść:
- — hruzavikoŭ da elektramahnitnaha vypramieńvańnia;
- — miescaŭ macavańnia ramianioŭ biaśpieki;
- — siadzieńniaŭ, ich macavańniaŭ i padhałoŭnikaŭ;
- — abarony ad uhonu;
- — zadnich i bakavych achoŭnych pryład;
- — rulavoha kiravańnia;
- — piarednich supraćpadkatnych pryład.
Z uzroŭniem utrymańnia škodnych rečyvaŭ u kabinie taksama nie ŭsio hładka.
Vynik — impart i realizacyja ŭ Rasii kitajskich hruzavikoŭ Dongfeng, Foton, Faw, Sitrak zabaronieny.