U Minsku za vyroščvańnie kanoplaŭ zatrymali ŭładalnika načnoha kłuba
U Minsku zatrymali 37-hadovaha ŭładalnika načnoha kłuba, jaki vyroščvaŭ kanopli ŭ padvale svajho doma, paviedamiła HUUS Minharvykankama.
Skrynšot ź videa
Supracoŭniki narkakantrolu ź Pieršamajskaha RUUS vyjavili ŭ domie biznesmienna hroŭboks (śpiecyjalnuju skryniu dla vyroščvańnia raślin), abstalavańnie, čatyry harški z kanoplami i kala 320 hramaŭ marychuany. Dla zachoŭvańnia hetych rečyvaŭ mužčyna trymaŭ asobny chaładzilnik u padvale. Taksama ŭ jaho znajšli niekalki dozaŭ kakainu.
Jon pryznaŭsia, što rehularna ŭžyvaŭ narkotyki. Žonka viedała pra zaležnaść, ale ničoha nie rabiła, choć u siamji jość dzicia. Hety fakt budzie razhledžany kamisijaj pa spravach niepaŭnaletnich.
Suprać mužčyny zaviali kryminalnuju spravu, pa jakoj ciapier praciahvajecca pravierka, u tym liku ŭ kłubie, jakim jon kiruje.
Čytajcie taksama:
U Hdyni zatrymali biełarusa z narkotykami
U Homieli narkafiermier sprabavaŭ ździejśnić suicyd pry zatrymańni
Žychar Baranavičaŭ vyroščvaŭ doma kanopli. Sudzili jaho ŭ miascovaj škole