Pameła Andersan pačała sustrakacca ź viadomym halivudskim akcioram, starejšym za jaje na 15 hadoŭ

Raman pačaŭsia paśla zdymak novaj stužki. Jaje spadarožnik jašče ŭvosień pryznaŭsia, što zakachany.

Pameła Andersan i Lijam Nisan. Fota: Bryan Bedder / Stringer via Getty Images

Pavodle vydańnia People, u Halivudzie źjaviłasia novaja para — Pameła Andersan i Lijam Nisan (jon atrymaŭ «Oskara» za rolu ŭ filmie «Śpis Šyndlera»). Raniej akciory vykanali hałoŭnyja roli ŭ novaj kamiedyi «Hoły pistalet» (The Naked Gun), dzie Nisan syhraŭ lejtenanta Frenka Drebina-małodšaha, a Andersan — jaho kachanuju Bet.

Zaraz zorki aktyŭna prasoŭvajuć novy film, jaki vyjdzie ŭ šyroki prakat 1 žniŭnia. Na čyrvonaj darožcy ŭ Ńju-Jorku 28 lipienia jany źjavilisia razam sa svaimi dziećmi: u 58-hadovaj Andersan dva syny ad pieršaha šlubu z Tomi Li (Brendan, 29, i Dyłan, 27), u 73-hadovaha Nisana — dva syny ad niabožčycy Natašy Ryčardsan (Majkł, 30, i Daniel, 28).

Dyłan Džahier Li, Brendan Tomas Li, Pameła Andersan, Lijam Nisan, Daniel Nisan, Majkł Nisan, 28 lipienia 2025 hoda. Fota: Kristina Bumphrey / Getty Images.

Nastupnaha ranku padčas udziełu ŭ prahramie Today akciory zrabili vyhlad, nibyta ich zastali za pacałunkam u žyvym efiry. Raniej, na premjery filma ŭ Łondanie 22 lipienia Andersan na čyrvonaj darožcy piaščotna pacałavała Nisana ŭ ščaku,

Pameła Andersan i Lijam Nisan. 22 lipienia 2025 hoda. Fota: Jeff Spicer / Stringer via Getty Images

U intervju dla People ŭ kastryčniku 2024 hoda Lijam Nisan adkryta pryznaŭsia:

«Ščyra kažučy, ja pa-varjacku zakachany ŭ jaje. Jana prosta vydatnaja ŭ pracy. Ja nie stamlajusia zachaplacca joju — skažu vam ščyra. Nijakaha vializnaha eha. Jana prosta prychodzić i pracuje. Jana viasiołaja i vielmi lohkaja ŭ znosinach».

Andersan u svaju čarhu nazvała Nisana «sapraŭdnym džentlmienam» i dadała, što jon «raskryvaje ŭ tabie najlepšaje praz pavahu, dabryniu i hłybiniu vopytu».

U intervju Entertainment Weekly aktrysa adznačyła, što ličyć Nisana siabram na ŭsio žyćcio, dadaŭšy: «U nas dakładna jość suviaź — vielmi ščyraja, vielmi ciopłaja. Jon dobry čałaviek».

Fota: imdb.com

U mai Andersan padzialiłasia z žurnalistami tym, što ich ź Nisanam abjadnoŭvaje luboŭ da litaratury i pačućcia humaru. Padčas zdymak jany časta pravodzili viačery razam z asistentami, zachoŭvajučy «prafiesijna-ramantyčny» ton uzajemaadnosin.

Jak doŭha praciahnucca adnosiny — pakaža čas. Pakul što, pavodle People, sa spasyłkaj na krynicu ź blizkaha asiarodździa akcioraŭ, raman tolki pačynajecca.

«Jon ščyry, i vidavočna, što jany zakachanyja», — zapeŭnivaje insajdar.

Kamientary da artykuła