Pošukava-vyratavalnyja raboty ŭ Kijevie zavieršany: zahinuŭ 31 čałaviek, u tym liku piaciora dziaciej
Pošukava-vyratavalnyja raboty ŭ Kijevie zavieršany. «Na žal, pavodle stanu na dadzieny momant viadoma pra 31 zahinułaha, siarod ich piaciora dziaciej. Najmienšamu dziciaci było ŭsiaho dva hady», — napisaŭ prezident Ukrainy Uładzimir Zialenski.
Fota tut i dalej: telehram-kanał Uładzimira Zialenskaha
Pavodle jaho, ranieńni atrymali 159 čałaviek, ź ich 16 — dzieci.
Dva ŭdary pa Kijevie byli naniesienyja ŭčora nočču i ŭčora ranicaj. U vyniku byŭ całkam razburany padjezd adnaho z damoŭ u Śviatošynskim rajonie.
Pa słovach Zialenskaha, udar Rasii pa Kijevie śviedčyć pra nieabchodnaść dadatkovaha cisku na Maskvu i sankcyj.
«Jak by ŭ Kramli ni admaŭlali ich efiektyŭnaść, jany pracujuć i pavinny być macniejšymi — bić pa ŭsim, što dazvalaje praciahvać takija ŭdary. I vielmi važna, kab śviet pra heta nie maŭčaŭ», — napisaŭ prezident Ukrainy.