U Minsku prajšoŭ «Žanočy zabieh»
Minčanki pieraadoleli piać kiłamietraŭ u ramkach druhoha dnia Minskaha tryjatłonu.
Fota tut i dalej Minsk-naviny
Z samaj ranicy na praśpiekcie Pieramožcaŭ startavali spryntary, a praz paŭtary hadziny śviata sportu ŭpryhožyli dziaŭčaty, pišuć Minsk-naviny.
Pieršaja ŭdzielnica pierasiekła finišnuju rysu praz 18 chvilin. Pieramožcaj zabiehu stała Lizavieta Loŭkina.
«Emocyi cudoŭnyja. Ja rehularna trenirujusia, biehaju i katajusia na rovary. Biehčy było nie nadta ciažka», — raskazała jana.
Na finišy dziaŭčat čakali miedali, kvietki i chałodnaja vada. A paśla taho jak dabiehła apošniaja ŭdzielnica, adbyłosia ŭznaharodžańnie.