U Minsku mužčyna dva razy abakraŭ kramu praź niezačynienyja dźviery

U Minsku 39-hadovaha mužčynu abvinavačvajuć u kradziažy, i sprava ŭžo nakiravana ŭ sud. Zachacieŭšy z pachmiella pakuryć, jon skraŭ u kramie 89 pačkaŭ cyharet, paviedamlajuć «Minsk-Naviny».

Fota: pixabay.com

Jak paviedamili ŭ prakuratury Leninskaha rajona, mužčyna, budučy niećviarozym, zajšoŭ u kramu na vulicy Majakoŭskaha pa darozie da siabra. Tam jon zaŭvažyŭ niezačynieny ŭvachod u słužbovaje pamiaškańnie z vychadam na rampu i skraŭ niekalki pačkaŭ kavy, piŭny napoj i dźvie butelki viermutu.

Na nastupnuju ranicu, kali siabry pračnulisia, im vielmi zachaciełasia zakuryć, ale pobač nie było načnych kramaŭ. Tady mužčyna ŭspomniŭ pra niezačynieny ŭvachod i vyrašyŭ znoŭ viarnucca.

Prajšoŭšy ŭ kramu, jon adkryŭ vitrynu z cyharetami i zabraŭ 89 pačkaŭ na ahulnuju sumu 636 rubloŭ. Potym častku cyharet jon pradaŭ na Červieńskim rynku. Nieŭzabavie jaho zatrymali i raspačali kryminalnuju spravu.

Jak paviedamiła prakuratura, abvinavačany raniej nie byŭ sudzimy i nidzie aficyjna nie pracavaŭ. Jamu inkryminujecca kradziež (č. 1 art. 205 Kryminalnaha kodeksa), za što praduhledžana pakarańnie da troch hadoŭ pazbaŭleńnia voli. Vinu mužčyna pryznaŭ całkam.

Kamientary da artykuła