U Vilni ŭ śmiećcievym kantejniery niepadalok ad ambasady Rasii znajšli častki cieła zabitaha padletka
U žudasnym złačynstvie padazrajuć inšaha niepaŭnaletniaha.
Śmietnica, dzie znajšli cieła padletka. Skrynšot videa Delfi.
Viečaram 2 žniŭnia ŭ sacsietkach źjaviłasia paviedamleńnie pra źnikłaha chłopca 2010 hoda naradžeńnia. Paśla sustrečy ź siabram u handlovym centry jon nakiravaŭsia dadomu, ale tak i nie dajechaŭ. Ranicaj niadzieli jaho pareštki znajšli ŭ śmiećcievym kantejniery ŭ rajonie Žvierynas (Źviaryniec) pobač z ambasadaj Rasii.
Jak piša Delfi, nočču na heta miesca vyklikali pažarnych. Jany atrymali paviedamleńnie pra tleńnie ŭ śmietnicy. Jany zalili jaje vadoj i ničoha niezvyčajnaha nie pabačyli. Praź niekalki hadzin palicyja znajšła ŭsiaredzinie patušanaha kantejniera čałaviečyja pareštki. Padobna, niechta sprabavaŭ schavać ślady zabojstva.
Praź niekatory čas inšyja častki cieła zabitaha padletka znajšli ŭ lasku na susiedniaj vulicy.
Pa padazreńni ŭ zabojstvie palicyja zatrymała inšaha chłopca 2010 h.n. i dapytała jaho. Raspačataje rasśledavańnie.