Jak minimum 68 mihrantaŭ zahinuli la bierahoŭ Jemiena ŭ vyniku krušeńnia łodki, dziasiatki źnikli bieź viestak
Jak minimum 68 čałaviek zahinuli ŭ vyniku krušeńnia łodki ź mihrantami kala ŭźbiarežža Jemiena. Paviedamlajecca, što ŭsiaho na borcie sudna znachodziłasia bolš za 150 čałaviek, paviedamlaje Bi-bi-si.
Ilustracyjnaje fota Kuni Takanashi / Getty Images
Pavodle miascovych uładaŭ, sudna pierakuliłasia i patanuła kala paŭdniovaha ŭźbiarežža pravincyi Abjan u drennych umovach nadvorja.
Jak paviedamiŭ Bi-bi-si kiraŭnik pradstaŭnictva Mižnarodnaj arhanizacyi pa mihracyi (MAM) u Jemienie Abdusatar Esajeŭ, z vady byli vyniaty 68 cieł zahinułych.
Pavodle jaho słoŭ, 12 čałaviek udałosia vyratavać, a astatnija da hetaha času ličacca źnikłymi bieź viestak.
«Pavodle papiarednich danych, zahinuli dziasiatki ludziej, mnohija ź jakich, padajecca, źjaŭlajucca hramadzianami Efiopii», — zajaviła Mižnarodnaja arhanizacyja pa mihracyi raniej.
Jemien zastajecca asnoŭnym maršrutam dla mihrantaŭ z afrykanskich krain, što nakiroŭvajucca ŭ krainy Piersidskaha zaliva ŭ pošukach pracy.
Pavodle acenak MAM, za apošnija miesiacy ŭ vyniku krušeńniaŭ sudnaŭ ź mihrantami zahinuli abo źnikli bieź viestak sotni ludziej.
«Heta žachlivaje zdareńnie padkreślivaje vostruju nieabchodnaść umacavańnia miechanizmaŭ abarony mihrantaŭ, što nakiroŭvajucca ŭ niebiaśpiečnyja padarožžy, jakija časta arhanizujucca niesumlennymi kantrabandystami, što vykarystoŭvajuć rospač i ŭraźlivaść ludziej. MAM zaklikaje da ŭzmacnieńnia mižnarodnaha supracoŭnictva z metaj pryciahnieńnia da adkaznaści asobaŭ, vinavatych u takich złačynnych dziejańniach, i praduchileńnia novych trahiedyj», — havorycca ŭ zajavie arhanizacyi.