Byłaja žurnalistka «Biełsata» Alona Dubovik pajšła pracavać u miedyja Chadarkoŭskaha
Jana adna vychoŭvaje ŭ emihracyi traich dziaciej.
Fota tut i dalej: asabisty archiŭ
Biełaruskaja žurnalistka Alona Dubovik (Ščarbinskaja) pačała pracavać u vydańni «Chodorkovskij LIVE» na pasadzie šef-redaktarki. Pra heta jana paviedamiła padpisčykam u fejsbuku.
«Chodorkovskij LIVE» — heta jutub-kanał z 3 miljonami padpisčykaŭ, jaki vypuskaje štodzionnyja naviny i analityčnyja videa. Jak možna zdahadacca pa naźvie, miedyja zasnavaŭ rasijski apazicyjny miljarder Michaił Chadarkoŭski.
«Dałučajciesia, kab razam spynić kryvavuju i złačynnuju pucinskuju vajnu i pabudavać novuju Rasiju razam», — havorycca ŭ apisańni kanała.
Alona Dubovik pracavała na Tut.by, była karespandentkaj «Biełsata». 10 žniŭnia 2020 žurnalistku zatrymali na pratestach i pratrymali troje sutak na Akreścina.
Alona Dubovik adna vychoŭvaje ŭ emihracyi traich dziaciej. Ich baćka zastaŭsia ŭ Biełarusi.