U Minlashasie raskazali, jakija draŭlanyja chaty cikaviać biełarusaŭ

Za pieršyja siem miesiacaŭ 2025 hoda arhanizacyi lasnoj haliny Biełarusi vyrabili i pradali 94 draŭlanyja chaty i 60 łaźniaŭ — stolki ž, kolki za ŭvieś minuły hod, paviedamlaje pres-słužba Ministerstva lasnoj haspadarki.

Fota: t.me/minleshoz

Najbolšaj papularnaściu ŭ biełarusaŭ ciapier karystajucca chaty z suchoha hablavanaha brusa — pradadziena 56 takich domakomplektaŭ. Na druhim miescy — chaty z syrych acylindravanych biarvionaŭ (34 adzinki), na trecim — z syroha prafilavanaha brusa (4 adzinki).

Pry hetym jašče dva hady tamu lidziravali chaty z syrych biarvionaŭ, ale ciapier biełarusy ŭsio čaściej vybirajuć bolš darahija, ale adrazu hatovyja da žyćcia ŭ ich varyjanty, kab nie čakać, pakul chata daść usadku.

Taksama adznačajecca, što firmovyja handlovyja placoŭki Minlashasa pavialičyli vyručku na 65% u paraŭnańni z anałahičnym pieryjadam letaś. Za 7 miesiacaŭ arhanizacyi ŭžo zarabili bolš za 20,5 miljona rubloŭ ad roźničnaha prodažu.

Kamientary da artykuła