U Biełaruś prybyli pieršyja rasijskija vajskoŭcy dla sumiesnych vučeńniaŭ
Ich sustrakali z karavajem.
Fota tut i dalej: «Vajar»
U Biełaruś prybyŭ pieršy ešałon z rasijskimi vajskoŭcami i technikaj dla padrychtoŭki i dalejšaha ŭdziełu ŭ sumiesnym stratehičnym vučeńni Uzbrojenych sił Biełarusi i Rasii «Zachad-2025», paviedamlaje Ministerstva abarony.
Vučeńnie projdzie ŭ vieraśni.
«U chodzie vučeńnia my płanujem adpracavać novyja formy i sposaby prymianieńnia padraździaleńniaŭ voinskich častak suchaputnych vojskaŭ na asnovie analizu apošnich sučasnych vajennych kanfliktaŭ. Padobnaha rodu vučeńni prachodziać na rehularnaj asnovie ź pieryjadyčnaściu ŭ dva hady, napieramienku na terytoryi Respubliki Biełaruś i Rasijskaj Fiederacyi», — prakamientavaŭ namieśnik kamandujučaha vojskami Paŭnočna-Zachodniaha apieratyŭnaha kamandavańnia pałkoŭnik Pavieł Šabieka.
Spačatku vučeńni płanavali pravodzić la miežaŭ ES, ale paśla pieranieśli ŭhłyb krainy.