U Mahilovie mužčyna zasnuŭ na rejkach, trapiŭ pad ciahnik, ale zastaŭsia žyvy
Incydent adbyŭsia ŭčora na vulicy Budaŭnikoŭ.
Mašynist zaŭvažyŭ čałavieka, jaki spaŭ na puciach, i pasprabavaŭ terminova spynić sastaŭ, padaŭšy hukavy sihnał.
Mužčyna pračnuŭsia, ale nie paśpieŭ adbiehčy. U apošni momant jon adkaciŭsia ŭ pramiežak pamiž rejkami, i ciahnik prajšoŭ nad im, nie zakranuŭšy śmiarotna.
Ratavalniki dastali jaho z asablivaj aściarožnaściu, vykarystoŭvajučy miakkija nasiłki. Paciarpieły atrymaŭ šmatlikija traŭmy i byŭ špitalizavany, paviedamlaje MNS.