Restaran Iskra na staličnaj vulicy Kastryčnickaj začyniajecca
U sacsietkach restarana Iskra, jaki znachodzicca na vuł. Kastryčnickaj u Minsku, źjaviłasia paviedamleńnie: «Historyja Iskry zakančvajecca ŭ heta niadzielu…». Pryčyny nie ŭdakładniajucca.
Fota: Office Life
Iskra pačała pracu ŭ 2024 hodzie. Pa sutnaści, heta byŭ rebrendynh ustanovy Enzo, jakaja adkryłasia na Kastryčnickaj jašče ŭ 2012 hodzie. Heta była adno ź pieršych ustanoŭ u hetym kvartale.
Saŭładalnik restarana Alaksandr Harbačoŭ u svaim intervju Office Life raspaviadaŭ, što ŭ rebrendynh ukłali niemałyja srodki. «Adzin interjer abyšoŭsia ŭ $200 tys.», — kazaŭ restaratar.
Taksama Alaksandr Harbačoŭ adznačaŭ tady, što ŭ Minsku nazirajecca pieranasyčeńnie kaviarniami.
— I nie zhadaju, kali jašče była takaja vysokaja kankurencyja, — padzialiŭsia dumkami restaratar i ŭdakładniŭ, što «zakrycca možna ŭ luby momant, ale varta pasprabavać niešta zrabić».