«Niachaj zrobiać asobnuju kasu dla hałodnych». Minčuk aburyŭsia čarhoj na zapraŭcy
Biełarus paskardziŭsia na čarhu na zapraŭcy. Videa pra heta jon vykłaŭ u TikTok. Na jaho dumku, mnohija pryjazdžajuć na zapraŭku pajeści. Rolik zaŭvažyła Blizko.by.
«Voś takija ŭ nas čerhi na zapraŭcy ŭ Sosiency. Mašyn vielmi šmat, kab zapravicca, treba čakać čałaviek 15 pakupnikoŭ, jakija kupiać sabie kavu i chot-doh, kab pajeści. Raźviali stałoŭku», — padsumavaŭ mužčyna.
Kamientatary padtrymali mužčynu:
- «Užo daŭno para ŭ ministerstva pietycyju pisać. Niachaj zrobiać asobnuju kasu dla hałodnych abo łarok».
- «Stajaŭ niadaŭna na zapraŭcy, za mnoj čałaviek 10, adzin kasir pajšła rabić 6 chot-dohaŭ. I chaj uvieś śviet pačakaje. REALNA treba rabić asobnyja kasy dla zapraŭki».
- «Heta prablema ŭsich zapravak ciapier».
- «Ja b užo vyjšaŭ i pačaŭ łajacca. I paviercie, čarha paŭzła b u dva razy chutčej».
- «Zhodny, treba niešta z hetym rabić, choć možna zrazumieć tych, chto choča pakaštavać».