Biełarusy składajuć druhuju pa kolkaści hrupu zamiežnikaŭ u Varšavie
U centralnym Mazavieckim vajavodstvie zaraz znachodzicca bolš za 250 tysiač lehalnych imihrantaŭ, ź jakich bolšaść — u Varšavie. U Varšavie ŭ 2024 hodzie Upraŭleńnie pa spravach zamiežnikaŭ vydała bolš za 150 tysiač dazvołaŭ na znachodžańnie dla zamiežnikaŭ, paviedamlaje Pamiežnaja słužba.
Najbujniejšuju hrupu składajuć hramadzianie Ukrainy i Biełarusi. Siarod ich pieravažajuć asoby va ŭzroście 20—59 hadoŭ, što śviedčyć pra toje, što Varšava — heta pierš za ŭsio horad, u jakim zamiežniki pasialajucca z prafiesijnych abo adukacyjnych pryčyn. Značny ŭpłyŭ na mihracyju akazvaje palityčnaja situacyja ŭ Biełarusi, a taksama vajna va Ukrainie.
Usiaho ŭ Mazavieckim vajavodstvie aficyjna zarehistravana zamiežnikaŭ:
- Ukraina: 116 866
- Biełaruś: 53 625
- Indyja: 8 504
- Vjetnam: 8 049
- Inšyja krainy: 63 383
Usiaho nasielnictva Mazavieckaha vajavodstva na kaniec 2024 hoda składała 5,5 młn čałaviek, u tym liku ŭ Varšavie žyvie 1,8 młn čałaviek.