Žychar Baranavičaŭ zrabiŭ DNK-test, kab dačku nie adpravili ŭ dziciačy dom
36-hadovy mužčyna razam z žonkaj vychoŭvaŭ siamiora dziaciej, adna ź dziaŭčynak naradziłasia da zaklučeńnia šlubu. U paśviedčańni ab naradžeńni dziciaci ŭkazana proźvišča maci, źviestki ab baćku adsutničajuć.
Fota: Dziaržkamitet sudovych ekśpiertyz
U 2024 hodzie šmatdzietnaja maci była asudžana i nakiravana dla adbyvańnia pakarańnia ŭ miescy pazbaŭleńnia voli. U suviazi z tym, što dzicia zastałosia biez apieki, hetu dziaŭčynku źmiaścili va ŭstanovu achovy zdaroŭja dla dalejšaha afarmleńnia ŭ dziciačy dom.
Kab viarnuć dzicia i dakazać baćkoŭstva, mužčyna źviarnuŭsia ŭ sud. Dla ŭstanaŭleńnia bijałahičnaha svajactva pryznačana sudovaja hienietyčnaja ekśpiertyza.
Ekśpierty ŭpraŭleńnia Dziaržaŭnaha kamiteta sudovych ekśpiertyz pa Bresckaj vobłaści paćvierdzili baćkoŭstva mužčyny ŭ adnosinach da 8-hadovaj dziaŭčynki.