Pamierła 37-hadovaja aktrysa Kaciaryna Arłova
12 žniŭnia pamierła biełaruskaja aktrysa Kaciaryna Arłova, paviedamlaje «Lusterka». Joj było ŭsiaho 37 hadoŭ.
Kaciaryna Arłova — druhaja źleva. Fota: InJest
«Paśla ciažkaj i nievylečnaj chvaroby pajšła na nieba aktrysa InJest-the Physical Theatre Kaciaryna Arłova. Joj było 37. Jana trymałasia kolki mahła. I navat bolš. Dziakuj tabie, Kacia, što była z nami. Śviatło tvajoj śvietłaj dušy», — napisaŭ u fejsbuku režysior Viačasłaŭ Inaziemcaŭ.
Arłova była zaniataja ŭ šerahu pastanovak teatra, u tym liku «HIENIEZIS # abo pachodžańnie vidaŭ» i «Dostup da cieła».
Płastyčny TEATR «InŽest» źjaviŭsia ŭ Biełarusi ŭ 1981 hodzie. Jak adznačałasia ŭ sacyjalnych sietkach kalektyvu, «InŽest» z vosieni 2021 hoda nie moža vystupać u Biełarusi, z vosieni 2024 hoda nie moža repieciravać z-za zabarony MNS.
Raźvitańnie z Kaciarynaj Arłovaj adbudziecca 14 žniŭnia ŭ 11:00 pa adrasie: Minsk, vulica Siamaški, 8 (rytualnaja zała pry morhu 9-j balnicy).
Čytajcie taksama:
Pamierła dziajačka biełaruskaj staroj emihracyi Ludmiła Bakunovič