Tramp i Vens praviaduć siońnia virtualnuju sustreču ź Zialenskim
Prezident ZŠA Donald Tramp i vice-prezident Džej Dzi Vens 13 žniŭnia praviaduć virtualnuju sustreču z prezidentam Ukrainy Uładzimiram Zialenskim i jeŭrapiejskimi lidarami napiaredadni samitu na Alascy, piša ABC News.
Dva amierykanskija čynoŭniki paćvierdzili ABC News, što sustreča ŭ farmacie videakanfierencyi pamiž Trampam, Vensam, Zialenskim i pradstaŭnikami jeŭrapiejskich dziaržaŭ zapłanavanaja na sieradu.
Sustreča Zialenskaha, Trampa i Vensa ŭ Biełym domie ŭ lutym 2025 hoda. Fota: AP Photo / Mystyslav Chernov
Napiaredadni Zialenski zajaviŭ, što kiraŭnik Rasii Uładzimir Pucin rychtujecca da «novych nastupalnych apieracyj» niahledziačy na zapłanavany na piatnicu mirny samit na Alascy.
Bai na linii frontu, a taksama ŭdary dronaŭ i rakiet dalokaha dziejańnia praciahvajucca, u toj čas jak ZŠA i Rasija rychtujucca da piatničnaj sustrečy. Čakajecca, što pradstaŭniki Ukrainy nie buduć brać u joj udzieł, chacia krynica ŭ ofisie Zialenskaha paviedamiła ABC News u paniadziełak, što «situacyja vielmi źmienlivaja».