U Rasii abmiežavali zvanki praz Telegram i WhatsApp
Apošnimi dniami ŭ Rasii testavałasia błakiroŭka zvankoŭ.
Raskamnahlad paviedamiŭ pra abmiežavańnie zvankoŭ praz Telegram i WhatsApp. Robicca heta dla taho, kab zmahacca z kibiermachlarstvam i «ŭciahvańniem u dyviersijnuju i terarystyčnuju dziejnaść rasiejskich hramadzian».
«Pavodle źviestak pravaachoŭnych orhanaŭ i šmatlikich zvarotaŭ hramadzian, zamiežnyja miesiendžary Telegram i WhatsApp stali asnoŭnymi hałasavymi servisami, jakija vykarystoŭvajucca dla padmanu i vymahalnictva hrošaj, uciahvańnia ŭ dyviersijnuju i terarystyčnuju dziejnaść rasiejskich hramadzian», — rastłumačyli RBK heta rašeńnie ŭ pres-słužbie Raskamnahlada.
Inšych abmiežavańniaŭ funkcyjanału ŭ Telegram i WhatsApp nie ŭvodzicca.
Apošnimi dniami karystalniki hetych miesiendžaraŭ u Rasii mieli składanaści — u pryvatnaści nie pracavali videazvanki. Sa słoŭ krynicy «Kommiersanta», hetyja zboi mahli być źviazanyja z vybaračnymi błakavańniami zvankoŭ u Telegram i WhatsApp, testavańnia jakich pačalisia jašče 1 žniŭnia.