Na miescy Minskaha zamčyšča źjavicca pamiatny znak
Na Niamizie pastaviać pamiatny znak na miescy Minskaha zamčyšča. Pra heta 13 žniŭnia paviedamiŭ dyrektar Instytuta historyi NAN Vadzim Łakiza, piša ahienctva «Minsk-Naviny».
«Horad atrymaje novy cikavy abjekt, jaki stanie napaminam pra bahatuju historyju Minska i jaho staražytnyja karani — pamiatny znak pra najstaražytniejšaje ŭmacavańnie i chram», — padzialiŭsia Vadzim Łakiza.
Akramia taho, da śviata horada ŭ vieraśni Instytut historyi NAN źbirajecca vydać knihu pra Minskaje zamčyšča. U joj buduć sabranyja ŭnikalnyja daśledavańni, dakumienty i adkryćci, pryśviečanyja stalicy Biełarusi.
Što tyčycca adnaŭleńnia histaryčnaha rajona, raźmieščanaha kala Pałaca sportu i ŭzdoŭž vulicy Niamihi, to ciapier jaho rekanstrukcyja nie płanujecca.
«Adzin z kirunkaŭ pracy archieołahaŭ — vyratavalnyja (achoŭnyja) daśledavańni. Jany pravodziacca Instytutam historyi NAN sumiesna z našymi kalehami z VNU. Kraina raźvivajecca, vykonvajucca ziemlanyja, budaŭničyja, mielijaracyjnyja raboty. I naša zadača ŭ ramkach dziejnaha zakanadaŭstva — raspracoŭka i vykanańnie mier pa achovie archieałahičnaj spadčyny. My ažyćciaŭlajem archieałahičnuju ekśpiertyzu i zdabyvajem staražytnyja artefakty z kulturnych słajoŭ, asabliva ŭ tych vypadkach, kali spynić budaŭnictva niemahčyma», — paviedamiŭ Vadzim Łakiza.