U Žłobinie mužčynu zamiest kuplenaha kampjutara prysłali pa pošcie pusty korpus
Žychar Žłobina vyrašyŭ kupić hulniavy kampjutar i znajšoŭ abjavu na «Kufary». Pradaviec zapeŭniŭ, što sistemny błok u vydatnym stanie i z usimi kamplektujučymi. Patencyjnaha kupca prapanova spakusiła, ale akazałasia, što jaho abduryŭ machlar, paviedamlaje Dziaržaŭny kamitet sudovych ekśpiertyz.
Fota: DKSE
Pieršapačatkovaja cana kampjutara składała 6200 rubloŭ, ale pakupnik zmoh źbić jaje da 5600. Paśla taho reč adpravili nakładnym płaciažom.
Kali pasyłka pryjšła, mužčyna zapłaciŭ poŭnuju sumu, adnak usiaredzinie akazaŭsia tolki pusty mietaličny korpus biez detalaŭ.
Paciarpieły źviarnuŭsia ŭ Žłobinski RAUS. Ekśpierty acanili realnuju vartaść atrymanaha korpusa ŭ 895 rubloŭ.
Čytajcie taksama:
Apieratyŭniki na vakzale zatrymali kurjera machlaroŭ: jon sprabavaŭ vyvieźci za miažu 90 000 rubloŭ
Minčanku abviali vakoł palca, prykryŭšysia Trampam i Maskam
Vykryli internacyjanalny machlarski koł-centr, jaki zaachvočvaŭ ludziej stać «inviestarami»