Za chabar zatrymali namieśnika dyrektara bujnoj zamiežnaj budaŭničaj kampanii
Apieratyŭniki pry atrymańni chabaru zatrymali 49-hadovaha namieśnika dyrektara bujnoj zamiežnaj budaŭničaj kampanii. Nazvu kampanii siłaviki nie ahučyli.
Pavodle śledstva, zatrymany mužčyna pastaviŭ adnamu z padradčykaŭ umovy dla praciahu supracoŭnictva, u tym liku zabieśpiačeńnie bieśpieraškodnaj pryjomki vykananych rabot.
Dla hetaha treba było pieradavać asabista jamu chabary ŭ pamiery 10% ad toj sumy, jakaja vypłačvałasia bryhadzie zhodna z aktam vykananych rabot.
U dzień zatrymańnia kiraŭnik praz pasrednika pryniaŭ ad padradčyka 12 000 rubloŭ. Hrošy, pavodle apieratyŭnikaŭ, pieradavalisia ŭ mašynie niepasredna na budaŭničym abjekcie, paśla čaho mužčyna schavaŭ ich pad pasažyrskaje siadzieńnie, dzie jany i byli vyjaŭleny apieratyŭnikami.