U Brytanii čaćviora dziaciej zabili da śmierci 49-hadovaha mužčynu
Kryminalnaja adkaznaść u Brytanii nastupaje z 10 hadoŭ.
Fota: Nacyjanalnaja palicyja Brytanii
Trom niepaŭnaletnim dzieciam vystaŭlena abvinavačańnie ŭ zabojstvie mužčyny, jakoha znajšli miortvym na vostravie Šepi ŭ anhlijskim hrafstvie Kient, piša Bi-bi-si.
16-hadovuju dziaŭčynu i dvuch chłopcaŭ va ŭzroście 14 i 15 hadoŭ aryštavali paśla bojki, što adbyłasia ŭ Lejsdaŭn-on-Si ŭ niadzielu ŭviečary.
49-hadovaha Alaksandra Kešfarda abviaścili pamierłym na miescy zdareńnia, paviedamiła palicyja.
U aŭtorak u horadzie Baziłdon, hrafstva Eseks, u suviazi z hetym incydentam taksama aryštavali 12-hadovuju dziaŭčynku, jana zastajecca pad vartaj.
Troim padazravanym — usie jany z Łondana — vystaŭlena abvinavačańnie ŭ zabojstvie pa zmovie hrupaj asob.
Pavodle brytanskaha zakanadaŭstva, imiony abvinavačanych nie mohuć być apublikavany z-za ich uzrostu.
Pry hetym kryminalnaja adkaznaść u Brytanii nastupaje z 10 hadoŭ. Palicyja paviedamiła, što na Kešfarda napali paśla sutyčki z udziełam nievialikaj hrupy ludziej u rajonie Vordien-Bej-Roŭd, niepadalok ad Džeci-Roŭd, kala 19:00.
Pavodle pradstaŭnika palicyi, jon atrymaŭ «šmatlikija traŭmy» cieła.
U miežach rasśledavańnia aficery kanfiskavali aŭtamabil.
Kievin Makkiena, deputat Pałaty hramadaŭi, raniej zajaviŭ, što jon «hłyboka zasmučany i šakavany trahičnym incydentam».
Palicyja Kienta paviedamiła, što praciahvaje zaklikać śviedkaŭ dać infarmacyju.
Kožnaha, chto maje źviestki abo videazapisy z kamier nazirańnia ci aŭtamabilnych rehistrataraŭ, prosiać źviazacca z pravaachoŭnymi orhanami.