MARH znajšoŭ na Wildberries niapravilnyja čyrvona-zialonyja ściahi i zahadaŭ ich prybrać
Jašče adzin rasijski markietplejs aficyjna papiaredzili za prodaž «niapravilnych» tavaraŭ.
Ilustracyjnaje fota Wildberries
MART abvinavaciŭ papularny rasijski markietplejs Wildberries u tym, što jon pradaje niapravilnyja dziaržściahi Biełarusi. U čym mienavita ściahi nie adpaviadali zakonu, ministerstva nie patłumačyła. Ale dadało, što hetyja tavary supravadžalisia jašče i niapravilnaj rekłamaj.
Na Wildberries možna znajści vielmi šmat roznych čyrvona-zialonych ściahoŭ, na niekatorych ź ich nie zusim pravilny arnamient. Jość navat ściah z partretam Łukašenki.
Tak ci inakš, MART rasparadziŭsia prybrać niapravilnyja ściahi z prodažu. Akramia taho, viedamstva vyniesła markietplacu papiaredžańnie za prodaž tavaraŭ z «ekstremisckaj» simvolikaj. Jaje MART znachodzić na Wildberries ledź nie kožny miesiac.