Mužčyna nabyŭ padrobleny telefon i pierapradaŭ jaho dalej
Miascovy žychar paviedamiŭ u Astraviecki RAUS, što nieviadomy mužčyna pad vyhladam prodažu mabilnaha telefona vyciahnuŭ ź jaho hrošy ŭ pamiery 1505 rubloŭ. Ale dasłaŭ nie toje, pra što damaŭlalisia, paviedamlaje Dziaržaŭny kamitet sudovych ekśpiertyz.
Fota: Dziaržaŭny kamitet sudovych ekśpiertyz
Kupiec ubačyŭ abjavu pra prodaž telefona Samsung S24 Ultra na adnoj ź vialikich internet-placovak. U apisańni i padčas pierapiski pradaviec śćviardžaŭ, što telefon aryhinalny.
U vyniku mužčyna pieradaŭ hrošy i aformiŭ dastaŭku z Mahiloŭskaj vobłaści. Adnak paśla atrymańnia telefona jon zasumniavaŭsia ŭ jaho aryhinalnaści. Pradaviec ža hrošy viartać admoviŭsia.
Sudova-ekśpiertnaje rasśledavańnie paćvierdziła: telefon z paznakaj Samsung Galaxy S24 Ultra nie źjaŭlajecca pradukcyjaj brenda Samsung.
Pradaviec rastłumačyŭ milicyi, što sam niadaŭna nabyŭ hety telefon, dumajučy, što jon aryhinalny, a paśla vyrašyŭ jaho pradać.
Čytajcie taksama:
U Žłobinie mužčynu zamiest kuplenaha kampjutara prysłali pa pošcie pusty korpus
Apieratyŭniki na vakzale zatrymali kurjera machlaroŭ: jon sprabavaŭ vyvieźci za miažu 90 000 rubloŭ