Zahinuŭ 20-hadovy łuniniecki milicyjanier
Siaržant Arkadź Nieŭdach trapiŭ u avaryju — u jaho aŭtamabil urezaŭsia BMW, kiroŭca jakoha pasiarod nočy pajšoŭ na abhon uślapuju.
Fota: Bresckaja milicyja
Apoŭnačy 9 žniŭnia ŭ Łuninieckim rajonie adbyłasia śmiarotnaja avaryja. BMW, jakim kiravaŭ 40-hadovy miascovy žychar, u ciemry pajšoŭ na abhon i na sustrečcy ŭrezaŭsia ŭ «Opiel». Kiroŭca BMW i jaho pasažyrka trapili ŭ balnicu, a voś 20-hadovy kiroŭca «Opiela» zahinuŭ.
Ciapier bresckaja milicyja paviedamiła pra trahičnuju hibiel 20-hadovaha siaržanta Arkadzia Nieŭdacha. Jon słužyŭ milicyjanieram uzvoda patrulna-pastavoj słužby Łuninieckaha RAUSa.
«Viasioły, žyćciaradasny, metanakiravany chłopiec, nadziejny tavaryš, pierśpiektyŭny supracoŭnik — takim jon nazaŭsiody zastaniecca ŭ pamiaci kaleh», — havorycca ŭ niekrałohu.
Pra inšyja trahičnyja zdareńni z 20-hadovymi žycharami Łuninieckaha rajona na minułym tydni nie paviedamlałasia.