U Biarezinskim rajonie mužčynu zabili pčoły
Susied paprasiŭ dapamahčy z pčalinym vullem. Usio skončyłasia trahiedyjaj.
Ilustracyjnaje fota: gstudioimagen / vecteezy.com
Žychar ahraharadka Bahuševičy Biarezinskaha rajona pryjšoŭ u hości da susieda i paskardziŭsia, što znajšoŭ na drevie ŭ siabie ŭ dvary pčalinaje hniazdo. Mužčyna paprasiŭ susieda dapamahčy hetaje hniazdo prybrać. Susied byŭ pad hradusam i pahadziŭsia biez rozdumaŭ.
Čas išoŭ, a mužčyna ŭsio nie viartaŭsia. Haspadar dvara vyrašyŭ pravieryć, ci nie zdaryłasia čaho. Jon vyjšaŭ na vulicu i ŭbačyŭ, što susied lažyć na ziamli. Mužčyna vyklikaŭ chutkuju, ale miedyki kanstatavali śmierć 41-hadovaha mužčyny.
Ekśpiertyza pakazała, što mužčyna pamior ad anafiłaktyčnaha šoku. Na ciele zahinułaha znajšli jak minimum 37 ukusaŭ pčoł. Akramia taho, analiz kryvi pakazaŭ, što mužčyna byŭ mocna pjany — 3,9 pramile śpirtu.
Vidać, u mužčyny była alerhija na pčoł. Akramia taho, hetyja nasiakomyja nie pieranosiać mocnyja pachi, u tym liku ałkaholu. Ad mužčyny pachła śpirtam, tamu pčoły stali ahresiŭniej i napali na jaho.