Doktara z Hrodna asudzili za «raspalvańnie varožaści» i «finansavańnie ekstremizmu»
U Homielskim abłasnym sudzie vyniesieny prysud 64-hadovamu doktaru ŭltrahukavoj dyjahnostyki z Hrodna Siarhieju Ramašovu.
Jaho abvinavačvali ŭ «raspalvańni varožaści» (č. 1 art. 130 KK) i «finansavańni ekstremisckaj dziejnaści» (art. 361-2 KK). Jaki mienavita termin pryznačyli lekaru — nieviadoma. «Homielskaja Viasna» tolki maje infarmacyju, što doktara asudzili da pazbaŭleńnia voli.
Pra Siarhieja Ramašova viadoma, što apošniaje jahonaje miesca pracy — lekar ultrahukavoj dyjahnostyki haradskoj palikliniki № 4 Hrodna. Jon zachaplaŭsia hulnioj u šachmaty. U 2022 hodzie Ramašoŭ staŭ pieramožcam abłasnoha turniru ŭ šachmatach siarod supracoŭnikaŭ miedyčnych ustanovaŭ.