U Indyi i Pakistanie z-za mocnych daždžoŭ i pavodak zahinuli bolš za 300 čałaviek
U rehijonie Himałajaŭ u Pakistanie i Indyi z-za mocnych daždžoŭ adbylisia pavodki i apoŭźni, u vyniku jakich zahinuli nie mienš za 321 čałaviek — tolki za apošnija 48 hadzin, piša Bild.
Fota: Muhammad Sajjab / AP
Ułady paviedamili, što ratavalniki praciahvajuć pošuki źnikłych bieź viestak: «Situacyja žudasnaja. My sprabujem vyratavać, mahčyma, niekalki dziasiatkaŭ, a moža, i sotni ludziej».
U Indyi ŭžo ŭdałosia vyratavać kala 170 čałaviek, mnohija ź ich atrymali surjoznyja traŭmy i byli dastaŭleny ŭ balnicy.
«Cieły ŭsio jašče dastajuć z brudu», — paviedamiŭ hałoŭny ŭrač kliniki Judchvir Kotvał u rajonie Kištvar.
Ciapierašni muson u Paŭdniovaj Azii ličycca asabliva razburalnym: za ŭvieś pieryjad u Pakistanie ŭžo zafiksavana bolš za 430 zahinułych. Na poŭnačy Indyi, pa danych ekśpiertaŭ, kolkaść apadkaŭ pieravysiła letašni ŭzrovień na 73%.
Mietearołahi praciahvajuć papiaredžvać pra mocnyja daždžy ŭ rehijonie.