Čarha aŭto na polska-biełaruskaj miažy nie źmianšajecca
Učora dniom čarha z aŭto ŭpieršyniu pieravysiła 4000 mašyn. Siońnia tam na 8 hadzin ranku — 4160 aŭto.
Na 8:00 ranicy 17 žniŭnia na biełaruskim baku miažy z Polščaj u adzinym dla lehkavych mašyn punkcie propusku «Brest» praciahvajecca nazapašvańnie transpartu. Pavodle Dziaržaŭnaha pahraničnaha kamiteta Biełarusi, u čarzie znachodziacca 4160 lehkavych aŭtamabilaŭ i 104 aŭtobusy.
DPK raić abirać alternatyŭnyja šlachi vyjezdu. Pahranpierachod «Brest» — adziny pierachod dla lehkavych aŭtamabilaŭ i aŭtobusaŭ na miažy z Polščaj paśla zakryćcia «Kuźnicy» i «Bierastavicy».
Jość dva pierachody na miažy ź Litvoj. Tam ciapier ahułam staić 260 mašyn i niama čarhi z aŭtobusaŭ.
Na łatvijskaj miažy ŭ Hryharaŭščynie čerhaŭ niama.