U Vašynhtonie Zialenski sustreŭsia sa śpiecpradstaŭnikom Trampa pa Ukrainie
Sustreča Uładzimira Zialenskaha z Kitam Kiełaham adbyłasia napiaredadni pieramoŭ ukrainskaha prezidenta z Trampam.
Zialenski i Kiełah u Vašynhtonie 18 žniŭnia 2025 hoda. Fota: pres-słužba Uładzimira Zialenskaha
Pra vyniki sustrečy sa śpiecpradstaŭnikom Trampa pa Ukrainie Kitam Kiełaham paviedamiła pres-słužba Uładzimira Zialenskaha.
«Abmierkavali situacyju na poli boju, našy mocnyja dypłamatyčnyja mahčymaści — Ukrainy i ŭsioj Jeŭropy razam z Amierykaj. Rasiju možna prymusić da miru tolki dziakujučy sile, i prezident Tramp vałodaje takoj siłaj», — skazana ŭ kanale Zialenskaha.
Pieramovy Trampa i Zialenskaha zapłanavany na viečar 18 žniŭnia. Paśla prezidenty sustrenucca ź lidarami krain ES.
Adznačajecca, što siońnia Tramp upieršyniu prymie ŭ siabie stolki jeŭrapiejskich lidaraŭ.