Pryznali ekstremisckaj staronki Taćciany Sidarovič, ale nie prarasijskaj błohierki, a jaje poŭnaj ciozki
U śpisie «ekstremisckich» materyjałaŭ źjaviłasia staronka ŭ «Adnakłaśnikach» Taćciany Sidarovič, ale heta nie toj, što viadzie błoh «Biełaruska topić».
Pad zabaronu Mininfarma hetym razam trapiŭ profil u «Adnakłaśnikach» žycharki Pastavaŭ, poŭnaj ciozki praŭładnaj błohierki Taćciany Sidarovič.
Taksama, zaŭvažaje «Viasna», u abnoŭleny śpis «ekstremisckich materyjałaŭ» ad Mininfarma trapili:
- Telehram-kanały i čaty MTN DEW, Umłaŭt, «MAŁORITA | NEWS»;
- Staronki ŭ instahramie — freemarfa, free_marfa, annajay.bu, amialeshka, freedomwomenbel, listy.warszawa, belpride.wro, lenatrizno, belfilmacademy, studfreedombelarus, hanna_slip, cascade, forever, Karalina Tsiarentsyeva i ihar.sluchak.
- Staronki «Ukantakcie» — «Miedia Poleśje», Karolina Tierienťjeva;
- Staronki ŭ «Adnakłaśnikach» — Taťjana Sidorovič, ihoŕ mańkovskij, Sierhiej Havrilenko, «Bierioza i Biełooziorsk», «ANTIMAIDAN i nas milliony», Aleksandr V, Za Novuiu Belarus!;
- Tyktok-staronki — «Jeuraradyjo.Łajt», BIELARUSKI SAL, Andrij Mikołajovič.