Homielskaja prapahandysckaja prahrama z prasłaŭleńniem Łukašenki nabiraje litaralna adzinki prahladaŭ
Prajekt «Cytaty Pieršaha» na telekanale Homielskaha harvykankama stvarajuć za srodki metavaha zboru na vytvorčaść nacyjanalnaha kantentu, jaho pazicyjanujuć jak «historyju raźvićcia Biełarusi ŭ tezisach prezidenta». Nakolki papularnaj stała novaja prapahandysckaja prahrama, pahladzieŭ «Fłahštok».
Skrynšot videa
Prahramu viadzie hałoŭnaja redaktarka haradskoha telekanała Iryna Kanavałava, byłaja kiraŭnica haziety Homielskaha rajvykankama.
Da ŭdziełu zaprašajuć čynoŭnikaŭ i prapahandystaŭ, ź jakimi viadučaja miedytatyŭna razmaŭlaje ŭ paŭciemry, z padśvietlenaj u centry kadra knihaj «Naš prezident». Uražańnie — byccam adbyvajecca niejki śpirytyčny sieans.
Pasył Kanavałavaj adlustroŭvaje tendencyju apošnich hadoŭ u biełaruskaj prapahandzie: Łukašenku imknucca pakazvać nie tolki jak «mudraha lidara», ale i stvarajuć vobraz praroka.
«Vykazvańni, acenki situacyi biełaruskim lidaram apiaredžvajuć padziei i adlustroŭvajuć dziaržaŭnuju mudraść, i nie darma jany razychodziacca na cytaty», — śćviardžaje viadučaja.
Ale, padajecca, hetyja cytaty nie cikaviać navat samich prapahandystaŭ.
Videa Kanavałavaj nabirajuć adzinki prahladaŭ jak na YouTube, tak i na RuTube. Naprykład, za čatyry dni treci vypusk pieradačy na YouTube sabraŭ usiaho 3 prahlady, a druhi vypusk na RuTube — 7 prahladaŭ za tydzień.
Maksimalnaja kolkaść prahladaŭ — 128 — była ŭ samaha pieršaha rolika, apublikavanaha dva tydni tamu.
Prajekt finansujecca za košt adličeńniaŭ ad rekłamy — u Biełarusi dziejničaje abaviazkovy zbor z rekłamadaŭcaŭ na padtrymku dziaržaŭnych ŚMI.