Drony ŭdaryli pa rasijskich rehijonach: pažar na NPZ u Navašachcinsku i paškodžańni enierhasistemy ŭ Varoniežskaj vobłaści
U noč na 21 žniŭnia USU nanieśli ŭdary bieśpiłotnikami pa šerahu abjektaŭ u Rasii. Asnoŭnymi metami atakaŭ stali naftaapracoŭčy zavod u Navašachcinsku (Rastoŭskaja vobłaść) i enierhietyčnyja abjekty ŭ Varoniežskaj vobłaści.
U Navašachcinsku prahučała kala piaci vybuchaŭ. Pavodle miascovych, na zavodzie naftapraduktaŭ uźnik pažar — u siecivie źjavilisia kadry pažaru.
U Varoniežskaj vobłaści paškodžany enierhietyčny abjekt, niekalki viosak zastalisia biez elektryčnaści, zatrymanyja pasažyrskija ciahniki.
Taksama pres-słužba «Rasenierhaatoma» paviedamiła, što enierhietyčny błok №7 Navavaroniežskaj AES časova adklučany ad sietki, adnak «pahrozy biaśpiecy niama».
Pa dadzienych Ministerstva abarony RF, SPA za noč źbili 49 ukrainskich bieśpiłotnikaŭ.