Kim Čen Yn uznaharodziŭ vajskoŭcaŭ, što vajavali z Ukrainaj
U Pchieńjanie prajšła cyrymonija ŭznaharodžańnia paŭnočnakarejskich vajskoŭcaŭ, jakija ŭdzielničali ŭ vajnie z Ukrainaj. Kiraŭnik KNDR uznaharodžvaŭ ich asabista.
Usie fota: CTAK
Pavodle paviedamleńnia Centralnaha telehrafnaha ahienctva Karei (CTAK), mierapryjemstva adbyłosia ŭ štab-kvatery Centralnaha kamiteta Pracoŭnaj partyi Karei. U im uziali ŭdzieł kamandziry, sałdaty i svajaki zahinułych.
Kim Čen Yn u vitalnaj pramovie padkreśliŭ, što ŭdzielniki zamiežnaj vajennaj apieracyi «ździejśnili vialikija podźvihi», jakija buduć zaniesieny ŭ historyju KNDR.
«Tavaryš Kim Čen Yn adznačyŭ, što ŭsie ŭdzielniki zamiežnaj vajennaj apieracyi, jakija ździejśnili dla viečnaha roskvitu i mahutnaści Radzimy vialikija podźvihi, što buduć viečna źziać u letapisie Radzimy, źjaŭlajucca vialikimi ludźmi, vialikimi hierojami i vialikimi patryjotami. Jon z honaram skazaŭ, što pieramoha ŭdzielnikaŭ vajny ŭjaŭlaje saboj vializny podźvih. Bo jany ž nadziejna abaranili vialiki honar KNA i stvaryli tryvałuju harantyju dla isnavańnia i raźvićcia našaj dziaržavy. Heta ž pieramoha, jakaja jak cud uvajšła b u staronku historyi budaŭnictva našaha vojska i antyimpieryjalistyčnaj revalucyjnaj baraćby, — padzieja ŭ historyi suśvietnaj vajny», — piša CTAK.