U Staŭbcoŭskim rajonie mužčyna padaviŭsia sardelkaj i pamior
Jaho cieła znajšli pobač z talerkaj z sardelkami. A ŭ ruce mužčyna trymaŭ videlec.
Ilustracyjnaje fota: Wikimedia Commons
Trahiedyja adbyłasia ŭ vioscy ŭ Staŭbcoŭskim rajonie. Žonka viarnułasia z pracy dadomu i ŭbačyła muža, jaki biez prytomnaści lažaŭ na łožku.
U ruce mužčyna trymaŭ videlec, a pobač stajała talerka z sardelkami. Žonka vyklikała chutkuju, ale lekary tolki kanstatavali śmierć mužčyny.
Ekśpiertyza pakazała, što zahinuły pamior z-za taho, što padaviŭsia sardelkaj. Jana pierakryła dychalnyja šlachi i vyklikała aśfiksiju.
Pryčynaj usiaho hetaha stała toje, što mužčyna byŭ vielmi pjany. U jaho ŭ kryvi było 3,6 pramile ałkaholu. Heta ciažkaja stupień apjanieńnia.
Pa infarmacyi Dziaržkamiteta sudovych ekśpiertyz, za 7 miesiacaŭ 2025 hoda ŭ Minskaj vobłaści było ŭžo 24 takich vypadki. Pry hetym u 20 vypadkach zahinułyja byli pjanyja.