Probny pierapis nasielnictva projdzie ŭ 2027 hodzie
Płanujuć taksama abnavić zakon ab pierapisie nasielnictva.
Fota: Getty Images
Čarhovy pierapis nasielnictva budzie ŭ 2029 hodzie. Ale pierad hetym praviaduć testavy — u 2027-m.
Padčas minułaha pierapisu 22% hramadzian zapaŭniali ankiety praź internet.
U nastupnym pierapisie chočuć bolš vykarystoŭvać administracyjnyja krynicy infarmacyi, paviedamiła «SB» staršynia Nacyjanalnaha statystyčnaha kamiteta Ina Miadźviedzieva.
«Užo analizujucca ŭsie bazy danych, infarmacyjnyja resursy dziaržorhanaŭ i arhanizacyj, jakija b dazvolili nam vykarystoŭvać infarmacyju ŭ pieradzapaŭnieńni pierapisnoha lista.
Pierad pačatkam pierapisu pierahladajecca zakanadaŭstva, jakoje rehłamientuje jaho praviadzieńnie. Zapłanavana abnaŭleńnie Zakona «Ab pierapisie nasielnictva».
Da vychadu na probny pierapis u 2027 hodzie chočam atrymać piłotnaje prahramnaje zabieśpiačeńnie na płanšety, kab u dalejšym aprabavać jaho padčas pierapisu. U nas jość zadumki pa vykarystańni štučnaha intelektu», — padzialiłasia Miadźviedzieva.