Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier
Śćviardžajecca, što heta robicca, kab bolš pilna sačyć za ŭvachodami, dziciačymi placoŭkami i śmietnikami, piša BiełTA.
Ilustracyjny zdymak: MUS
Kamunalniki i «Biełtelekam» užo ŭstalavali ŭ Minsku kala 2 tysiač kamier — na 435 damach.
Ciapier hetu kolkaść płanujuć pavialičyć da 19 tysiač, paviedamiła hienieralnaja dyrektarka «Minskaj haradskoj žyllovaj haspadarki» Maryna Toŭścik padčas narady ŭ Minharvykankamie.
Płanujecca, što ŭ dvarach buduć pracavać kruhłasutačnyja intelektualnyja kamiery z vykarystańniem mašynnaha zroku i štučnaha intelektu. Sistema budzie funkcyjanavać jak z apierataram, tak i samastojna. Spačatku kamiery buduć fiksavać tolki klučavyja padziei, ale paśla ich navučać i inšym funkcyjam.
Čynoŭniki čakajuć, što heta zrobić nazirańnie za parkoŭkami bolš prostym.