BIEŁ Ł RUS

Va Ukrainie zahinuŭ biełaruski dobraachvotnik «Miesiac»

25.08.2025 / 20:41

Nashaniva.com

Biełarus z pazyŭnym «Miesiac», jaki vajavaŭ u składzie Uzbrojenych sił Ukrainy, zahinuŭ 19 žniŭnia. Pra heta paviedamlaje vałanciorskaja sietka «Kolektivi Solidarnosti», zaŭvažyła vydańnie Reform.news.

Biełarus z pazyŭnym «Miesiac». Fota: @SolidarityCollectives

«Z hłybokim škadavańniem i smutkam paviedamlajem: zahinuŭ pabracim našych tavaryšaŭ, z hrupy, jakaja znachodziłasia pad našaj padtrymkaj, — z pazyŭnym «Miesiac». U Biełarusi jon byŭ aktyŭnym udzielnikam pratestaŭ suprać dyktatury, nieadnarazova padviarhaŭsia represijam za svaju pazicyju», — paviedamlajuć vałanciory.

Pavodle ich infarmacyi, hramadzianin Biełarusi vajavaŭ u składzie USU z 2023 hoda. Spačatku — jak bajavy miedyk, ratujučy žyćci pad Bachmutam, zatym słužyŭ u rocie ahniavoj padtrymki, paźniej — u sapiornym padraździaleńni. Z 2024 hoda jon słužyŭ u minamiotnym padraździaleńni — mienavita tam i zahinuŭ.

«U minamiotcy jon zajmaŭsia raźlikami i vielmi nam dapamahaŭ, — uspaminaje jaho pabracim. — Jaho amal niemahčyma zamianić. Jon navučaŭ ludziej sapiornaj spravie, miedycynie, zaŭsiody praviaraŭ aptečki i leki. Na im trymałasia mnohaje važnaje — ad analizu stralby da składanych raźlikaŭ. Časta mienavita jon znachodziŭ pryčyny, čamu stralba «nie idzie» — ci z-za pałomki minamiota, ci z-za niedachopu min».

Čytajcie taksama:

U «DNR» zavočna sudziać biełaruskaha dobraachvotnika

Biełaruski dobraachvotnik nie moža zvolnicca z USU praz pamyłkova składzieny kantrakt

Nie mienš za 12 zamiežnych dobraachvotnikaŭ zahinuli padčas lipieńskaha ŭdaru pa vučebnym łahiery va Ukrainie

Kamientary da artykuła