«Vyrašajecca pytańnie ź placoŭkaj». Kancert Maksa Karža ŭ Kazachstanie ŭsio ž moža adbycca
Kazachstanski biletny apieratar paviedamiŭ, što ŭ arhanizataraŭ kancerta jość usie dakumienty.
Maks Korž. Fota: instahram śpievaka
Kancert Maksa Karža ŭ Kazachstanie ŭsio ž taki moža adbycca. Prynamsi, pra heta zajaŭlaje apieratar, jaki pradavaŭ bilety.
Napiaredadni dyrekcyja spartyŭnych zbudavańniaŭ Ałmaty zajaviła pra admienu kancerta, zapłanavanaha na 6 vieraśnia. Siarod pryčyn nazyvaŭsia raptoŭny futboł — «Kajrat» upieršyniu ŭ historyi vyjšaŭ u asnoŭny raŭnd Lihi čempijonaŭ (choć pieršy matč tearetyčna moža adbycca 16-18 vieraśnia) — i adsutnaść u arhanizataraŭ kancerta ŭsich nieabchodnych dakumientaŭ.
Ale biletny apieratar Ticketon zajaŭlaje, što z dakumientami ŭsio ŭ paradku.
«Pa kancercie Karža. Infarmacyja ad arhanizataraŭ: u jaho jość nieabchodnyja dakumienty, i padrychtoŭka da kancerta praciahvajecca. Zaraz vyrašajecca pytańnie ź placoŭkaj», — havorycca ŭ paviedamleńni.
Apieratar dadaŭ, što da kanca zaŭtrašniaha dnia čakajecca aficyjnaje abnaŭleńnie. Pry hetym kamanda Maksa Korža pakul nie kamientavała situacyju.