Samy darahi dom u žniŭni ŭ Biełarusi pradali za 1,2 miljona dalaraŭ
Dom pradali ŭ byłoj vioscy Viaśninka (Drazdy-2). Katedž staŭ samym darahim domam krainy, pradadzienym u minułym miesiacy, piša Realt.by.
Dom znachodzicca na vulicy Vierbnaj. Heta cahlany katedž 2022 hoda płoščaj 590 kvadratnych mietraŭ. Jaho pradali za 1,2 miljona dalaraŭ, heta značyć, mietr acanili ŭ 2092 dalary.
Ciapier u druhich Drazdach pradajucca čatyry damy koštam ad 180 tysiač da 1,4 miljona dalaraŭ. Da prykładu, novych žycharoŭ šukaje draŭlany dom z učastkam u 10 sotak. Za pabudovu 1959 hoda prosiać 600 tysiač dalaraŭ.
Taksama ŭ prodažy jość katedž biez azdableńnia. Dom płoščaj 720 kvadratnych mietraŭ prapanujuć za 1,4 miljona dalaraŭ.