U kramy viarnułasia čarhovaja sankcyjonka — italjanskija i polskija syry
Praz try z pałovaj hady paśla kontrsankcyj u biełaruskija kramy pačali viartacca italjanskija syry. Pakul abmiežavanym asartymientam — hrana padana i harhanzoły, piša Onliner.by.
Abmiežavańni na impart ježy ź niedružalubnych krain uviali z 1 studzienia 2022 hoda. Tady ž praduhledzieli miechanizm kvot, dziakujučy jakomu možna było b zavieźci sankcyjonku «dla zabieśpiačeńnia zbałansavanaści na spažyvieckim rynku». Abmiežavańni niekalki razoŭ karektavali, u vyniku na palicy viarnulisia jeŭrapiejskija sadavina, harodnina, arechi, mnohija prysmaki.
Padobna na toje, ciapier pryjšła čarha italjanskaha syru. U sietcy «Karona» ŭpakoŭki pa 150 hramaŭ hrana padana kaštujuć 25,74 i 27,95 rubla.
Čytačy paviedamlajuć, što ŭ inšych kramach zaŭvažyli italjanskuju harhanzołu.
U miasnym adździele vialikich źmienaŭ niama — na miesca ispanskaha chamona pryjšli pradukty biełaruskich i rasijskich miasakambinataŭ. Ź jeŭrapiejskaha miasa prysutničaje tolki prašuta z San-Maryna, bo na hetuju krainu kontrsankcyi nie raspaŭsiudžvajucca.
Paźniej čytačy paviedamili, što na palicy viarnulisia syry kamambier i bry vytvorčaści polskaj kampanii Mlekovita. Adna ŭpakoŭka kaštuje ŭ rajonie 13 rubloŭ.