Kiełah pra ataku na Kijeŭ: Heta nie sihnał, što Rasija choča dypłamatyčnym šlacham skončyć vajnu
Padčas abstrełu Kijeva Rasijaj byŭ paškodžany budynak uradu Ukrainy.
Połymia va ŭradavym budynku 7 vieraśnia. Fota: DSNS
Śpiecpradstaŭnik prezidenta ZŠA Kit Kiełah asudziŭ ataku Rasii na Kijeŭ.
«Niebiaśpieka luboj vajny zaklučajecca ŭ eskałacyi. Rasija, padobna, naroščvaje svaju moc, i najbujniejšy za ŭsiu vajnu napad byŭ ździejśnieny na budynak Kabinieta ministraŭ Ukrainy ŭ Kijevie. Ja byŭ ź ich premjer-ministram Śvirydzienka dva tydni tamu ŭ hetym budynku. Historyja pakazvaje, što padziei mohuć vyjści z-pad kantrolu ŭ vyniku padobnych dziejańniaŭ. Mienavita tamu prezident Tramp imkniecca spynić hetuju vajnu. Napad nie byŭ sihnałam, što Rasija choča dypłamatyčnym šlacham pakłaści kaniec hetaj vajnie», — napisaŭ Kiełah u X.
Premjer-ministr Ukrainy Julija Śvirydzienka raniej apublikavała videa z paškodžanaha paśla rasijskaha abstrełu budynka ŭradu Ukrainy.
Premjer Ukrainy Julija Śvirydzienka ŭ budynku ŭradu Ukrainy paśla abstrełu. Fota: fejsbuk Śvirydzienka
U noč na 7 vieraśnia Rasija vypuściła pa Ukrainie 823 drony i 13 rakiet. Heta rekordnaja kolkaść padčas adnoj ataki.