U Biełarusi płanujecca ŭvieści dvuchtydniovy dekretny adpačynak dla tataŭ
U Biełarusi razhladajecca mahčymaść zrabić dvuchtydniovy apłačvany adpačynak dla tataŭ pry naradžeńni dziciaci abaviazkovym na ŭsich pradpryjemstvach krainy. Pra heta zajaviła ministarka pracy i sacyjalnaj abarony Natalla Paŭlučenka ŭ efiry telekanała STB.
Fota: Visar Kryeziu / AP
Zaraz Pracoŭny kodeks užo praduhledžvaje takoje prava, adnak apłata adpačynku zastajecca na mierkavańnie najmalnika. Pavodle słoŭ kiraŭnicy viedamstva, ciapier tolki kala 38% tataŭ karystajucca hetaj mahčymaściu — u tych arhanizacyjach, dzie heta zamacavana ŭ kalektyŭnaj damovie.
«Adpačynak jość, ale apłačvajecca jon tolki tam, dzie najmalnik na heta zhodny. Mienavita z-za adsutnaści abaviazkovaj apłaty taty redka jaho biaruć», — adznačyła ministr.
Na dumku Minpracy, abaviazkovy apłačvany «tatavy tydzień» mahła b dapamahčy ŭ vychavańni dziciaci ŭ pieršyja dni paśla naradžeńnia i padtrymać maładych maci. Zaraz viedamstva viadzie pracu nad tym, kab uzakonić hetuju praktyku paŭsiudna.