Imavierna, zatrymany dyrektar aršanskaha aeradroma
Na dniach była zaviedziena kryminalnaja sprava ŭ dačynieńni da kiraŭnika adnaho z transpartnych pradpryjemstvaŭ Oršy. Jamu inkryminujecca vykarystańnie pracy svaich padnačalenych dla budaŭnictva prysiadzibnaha doma i łaźni.
Rabotniki (a kolkaść pryciahnutych dajšła da 16 čałaviek) pracavali navat u vychodnyja — za košt dziaržavy. Škodu pradpryjemstvu acanili ŭ bolš jak 92 tysiačy rubloŭ.
Pad apisańnie (supaŭ hod naradžeńnia — 1962-hi) padychodzić Mikałaj Čarvinski, jaki z 2021 hoda ŭznačalvaje aeradrom «Orša» (filijał Nacyjanalnaha aeraporta), adznačaje telehram-kanał «Viciebsk, ja hulaju».
U jaho vajskovaja karjera, jon pałkoŭnik zapasu, jaki addaŭ Uzbrojenym siłam Respubliki Biełaruś bolš za 30 hadoŭ. Syšoŭ u zapas sa štaba kamandavańnia suchaputnych vojskaŭ.
U sacsietkach Mikałaj Čarvinski źjaŭlaŭsia apošni raz 19 žniŭnia, chacia tam jon viadzie davoli aktyŭnaje žyćcio. Z vysokaj dolaj vierahodnaści, mienavita jon staŭ padazravanym pa spravie ab złoŭžyvańni słužbovym stanoviščam.