Minski aŭtachaus nie addavaŭ hrošy klijentam za pradadzienyja mašyny. Afiera na miljon dalaraŭ

Supracoŭniki milicyi pravodziać pravierku pa zajavach klijentaŭ staličnaha aŭtachausa. Jany pieradavali kampanii pa aficyjnych damovach svaje aŭtamabili dla prodažu. Ale ŭ vyniku ni hrošaj, ni mašyn tak i nie ŭbačyli, paviedamili ŭ pres-słužbie MUS.

Fota: OL

U milicyju na aŭtachaus užo źviarnulisia kala 40 paciarpiełych, jakija pieradavali svaje inšamarki dla prodažu. Pa papiarednich acenkach, ahulnaja suma škody skłała bolš za $1 młn.

Zaraz pravodzicca pravierka zajaŭ. Amal usie aŭtamabili byli pradadzieny za miažoj.

U milicyi prosiać tych, chto apynuŭsia ŭ anałahičnaj situacyi, źviartacca ŭ rajonny orhan unutranych spraŭ abo pa telefonie 102.

Kamientary da artykuła